“Bir Bonus” istehlakçı loyallığı əməkdaşlıq proqramında (“Proqram”) iştiraka dair Müqavilə (“Ümumi oferta”)
Bir Bonus – “Competo” Məhdud Məsuliyyətli Cəmiyyətinin (Competo) “Umico Bonus” loyallıq proqramının “Kapital Bank” Açıq Səhmdar Cəmiyyəti (Bank) və Competo arasında bağlanmış əməkdaşlıq memorandumunun şərtlərinə əsasən, 27.11.2024-cü il tarixindən etibarən Bank tərəfindən davam etdirilən loyallıq proqramıdır və “Umico” loyallıq proqramı üzrə Operatorun bütün hüquq və öhdəliklər Banka ötürülmüşdür.
- ANLAYIŞLAR
- Bonus Manatı – Proqramın Qaydalarına uyğun olaraq hesablama mexanizmini həyata keçirməyə imkan verən şərti vahid. Bonus Manatları yalnız uçot məqsədləri üçün istifadə edilir və gəlir növü, ödəniş vasitəsi, qiymətli kağız hesab edilmir və hesab edilə bilməz, eləcə də, vərəsəlik qaydasında ötürülə bilməz.
- Bonus hesabı – Proqram çərçivəsində Müştərinin toplanmış və istifadə edilmiş Bonus Manatlarına dair məlumatın sistemləşdirilməsi üçün Operator tərəfindən istifadə edilən texniki hesab. Bonus hesabı bank hesabı deyildir.
- Müqavilə – Bir Bonus istehlakçı loyallığı əməkdaşlıq proqramında iştiraka dair Operator və Müştəri arasında bağlanan Müqavilədir.
- Müştəri – Müqaviləni hazırkı ümumi ofertanı Operatorun daxili qaydalar əsasındaaksept etmək yolu ilə bağlamış və Müqavilənin bağlanması tarixinə qüvvədə olan, fəaliyyət qabliyyəti ilə bağlı məsələləri tənzim edən qanunvericiliyə müvafiq olaraq müqaviləni bağlamaq üçün fəaliyyət qabiliyyətinə malik olan fiziki şəxs (fərdi müştəri).
- Bonus Manatının hesablanması – Hesablayan Partnyordan və/və ya istehsalçı-Partnyordan mal/xidmət əldə edilməsinə görə Müştərinin bonus hesabına əlavə edilmiş Bonus Manatın hesablanması.
- Hesablayan Partnyor – Proqramın həyata keçirilməsi çərçivəsində Hesablayan Partnyorun TS-ındə Proqram çərçivəsində əməliyyatların həyata keçirilməsi üçün Müştəriyə hesablanan Bonus Manatlarını maliyyələşdirən şirkət.
- İstifadə edən Partnyor – Proqramın həyata keçirilməsi çərçivəsində Müştərinin daha əvvəl topladığı Bonus Manatlarını istifadə edən şirkət.
- Operator – Bank.
- Loyallıq Proqramının Partnyoru (Partnyor) – Hesablayan və (və ya) İstifadə edən Partnyor.
- Proqramın Qaydaları (Qaydalar) – Proqram çərçivəsində əməliyyatların yerinə yetirilməsi qaydası olub bu müqaviləyə 1 saylı Əlavədə müəyyən edilmişdir.
- Loyallıq Proqramı (Proqram) – Operatorun xüsusi proqram-texniki kompleksi əsasında Bonus Manatlarının hesablanması (toplanması) və istifadəsi sistemi üzərində qurulmuş Bir Bonus istehlakçı loyallığı əməkdaşlıq proqramı.
- Təsərrüfat subyekti (TS) – Partnyorun ticarət subyekti (malların/xidmətlərin satış məntəqəsi).
- Sayt/Platforma – Operatorun çıxış etdiyi internet şəbəkəsilər: www.birbonus.az, www.birmarket.az,
- www.m10.az və s
- Mal – Müştəri tərəfindən Loyallıq Proqramının Partnyorundan alınan hər hansı mal, iş, xidmət.
- Unikal identifikator (UİD) – hər bir UİD üzrə Müştərinin Proqram çərçivəsində həyata keçirdiyi əməliyyatların uçotunu aparmaq üçün istifadə olunan, Proqramın xüsusi olaraq yaratdığı simvollar ardıcıllığı və ya qrafik ardıcıllıq. UİD-in daşıyıcısı qismində ştrix-kodlu (QR-kod və s.) plastik kart (o cümlədən, bankın kobrendinq kartı), Operator tərəfindən xüsusi olaraq hazırlanmış və Google Play və AppStore-da yerləşdirilmiş mobil tətbiq, Operatorun mülahizəsi əsasında digər proqram-texniki vasitələr çıxış edə bilər.
- Bonus manatlarının İstifadəsi – İstifadə edən Partnyor tərəfindən Müştəriyə malların/xidmətlərin təqdim edilməsi və bu zaman Proqramın qaydalarına əsasən Müştərinin Bonus hesabından Bonus Manatlarının silinməsi.
- Tətbiq – İstifadəçinin virtual xəritəyə çıxışına, çekləri skanerləməsinə, xüsusi təkliflər almasına və Proqramın digər funksionallıqlarından istifadə etməsinə imkan yaradan, iOS və Android əməliyyat sistemlərində işləyən mobil cihazlar üçün yazılmış Umico, BirBank, m10 və digər tətbiqlər.
- "Umico və ya Birbonus Premium" Xidmətlər Paketi - abunəçi üçün əlavə xidmətlər, və ya onlardan müəyyən ödəniş müqabilində və müəyyən müddət ərzində istifadə etmək üçün xüsusi şərtlər tətbiq edilməklə standart xidmətlər toplusu nəzərdə tutulur.
- Abunəçi - Operator tərəfindən müəyyən edilən müddətə ödəniş müqabilində “Umico və ya Birbonus Premium” xidmətlər Paketinə abunə olmuş müştəri nəzərdə tutulur.
- "Umico və ya Birbonus Premium" Xidmətlər Paketinə abunə haqqı - Operator tərəfindən müəyyən edilən, bonus manatla hesablanan və Müştərinin (abunəçinin) bonus hesabından ödənilən ödəniş haqqı nəzərdə tutulur.
- Bravo Club - Müştərilərə artan loyallıq üzrə mağazalar şəbəkəsində əməliyyatlar həyata keçirmə imkanı verən Operator tətbiqində Tərəfdaşın yerləşdirdiyi bölmə.
- Bravo Club məhsulu üzrə İstehlakçı Loyallığı Proqramının Tərəfdaşı – Bravo Mağazalar Şəbəkəsi (bundan sonra “Tərəfdaş” adlandırılacaq).
- Umico Avans – Umico Avans partnyorlar şəbəkəsində sonradan ödəmə imkanı ilə mal, xidmət almaq imkanı verən mexanizm.
- ÜMUMİ MÜDDƏALAR
- Müqavilə ümumi oferta (müqavilə bağlamaq təklifi) deməkdir və Operatorun ofertasının Müştəri tərəfindən aksepti anından bağlanmış sayılır.
- Hazırkı ümumi ofertanın aksepti Proqramın Qaydalarına müvafiq olaraq Müştərinin Loyallıq Proqramda qeydiyyatdan keçməsi deməkdir.
- Müqavilə Proqram çərçivəsində Operator və Müştəri arasında qarşılıqlı fəaliyyətin həyata keçirilməsi qaydasını müəyyənləşdirir.
- Müqavilənin hazırkı redaksiyası Saytda və Operatorun mülahizəsinə uyğun digər tədbiqlərdə yerləşdirilə bilər.
- Proqramın Qaydaları Müqavilənin ayrılmaz tərkib hissəsidir.
- Proqramı/onun ayrı-ayrı funksiyalarını istifadə etməyə başladıqda və yaxud qeydiyyat prosedurunu keçdikdə Müştəri heç bir qeyd-şərt və ya istisna olmadan Qaydaların şərtlərini tam şəkildə qəbul etmiş hesab edilir. Müştəri Müqavilənin hər hansı müddəaları ilə razı olmadıqda, Müştərinin Proqramı/onun ayrı-ayrı funksiyalarını istifadə etmək hüququ olmur. Əgər Operator nəzərdə tutulmuş qaydada Müqaviləyə hər hansı dəyişiklik edirsə və Müştəri bu dəyişikliklə razı deyilsə, o zaman Müştəri Proqramdan istifadəni dayandırmalıdır. Operator Müqaviləyə hər hansı dəyişiklik və ya əlavələr etdikdən sonra Müştəri Proqramdan istifadəni davam etdirirsə, Müştəri bütün əlavələri və düzəlişləri qəbul etmiş hesab olunur.
- Müştəri razılıq verir ki, qeydiyyat zamanı təqdim etdiyi məlumatlar, habelə Operatorun serverinə daxil olan bütün digər məlumatlar, əməliyyatlar, tranzaksiyalar, şəxsi məlumatlar daxil olmaqla, Operator tərəfindən analitik və statistik məqsədlər üçün istifadə oluna və üçüncü şəxslərə ötürülə bilər. Müştəri həmçinin razılıq verir ki, Müştərinin kredit tarixçəsinə aid məlumatlar müvafiq təhlilin aparılması məqsədilə Operatora təqdim edilə, habelə sonuncu tərəfindən toplanıla və işlənilə (o cümlədən, kredit bürolarına müvafiq sorğular göndərilməklə istifadə edilə bilər). Bu maddədə qeyd edilən razılıq Müştəri tərəfindən geri çağırıla bilər. Razılığın Müştəri tərəfindən geri çağırılma andan Operator həmin məlumatların verilməsini dərhal dayandırır.
- Müştəri Bir Bonus Loyallıq Proqramına qoşulmaqla Operator tərəfindən keçirilən lotereyalarda, aksiyalarda və müsabiqələrdə iştirak etməyə razılığını bildirir.
- Müştəri bəyan və təsdiq edir ki, qeydiyyat zamanı təqdim etdiyi mobil nömrə, OTP (birdəfəlik qısa mesaj) və ya digər istənilən məlumat yalnız ona məxsus məlumatlardır. Müştəri həmçinin bəyan və təsdiq edir ki , onun tərəfindən təqdim edilən mobil telefon nömrəsi dəyişdikdə və ya hər hansı bir səbəbdən bu nömrədən istifadə etmədikdə/edə bilmədikdə Operatoru dərhal məlumatlandırmalıdır. Müştəri bu barədə Operatora dərhal məlumat vermədikdə, hesablanmış/hesablanacaq bonusların statusuna görə Operator məsuliyyət daşımır.
- OPERATORUN VƏ MÜŞTƏRİNİN HÜQUQ VƏ VƏZİFƏLƏRİ
- Operator Müqavilənin yeni redaksiyasının Operator tərəfindən təsdiqi yolu ilə Müqaviləyə birtərəfli qaydada dəyişikliklər və (və ya) əlavələr etmək hüququna malikdir. Müqavilədə dəyişikliklər və (və ya) əlavələr edildiyi halda Operator Müqavilənin yeni redaksiyasının elektron versiyasının Saytda və ya tətbiqdə yerləşdirilməsi yolu ilə Müştərini bu barədə öncədən xəbərdar etməlidir.
- Müştəri Müqaviləyə əlavə və dəyişikliklər edilməsini müstəqil qaydada izləməyi öhdəsinə götürür. Müştərinin Müqavilənin yeni redaksiyasının qüvvəyə minməsindən sonra Proqram çərçivəsində yerinə yetirilən hərəkətləri Müştərinin Müqavilənin yeni redaksiyasına razılığının təsdiqidir.
- Müştəri Qaydalara (Müqavilənin ayrılmaz hissəsi olan Əlavələrə) əməl etməyi öhdəsinə götürür.
- Proqramın proqram-texniki kompleksindən istifadə edən zaman, o cümlədən, Proqram çərçivəsində istənilən digər hərəkətlərin yerinə yetirilməsi zamanı Müştəri özü haqqında səhih məlumatlar təqdim etməyi, həmçinin həmin məlumatları onlara vaxtında və dəqiq dəyişikliklər etməklə ən yeni versiyada saxlamağı öhdəsinə götürür. Müştəri yalnız ona məxsus mobil telefon nömrəsini qeyd etmək, həmçinin mobil telefon nömrəsi dəyişdikdə, digər şəxsə hədiyyə etdikdə və ya satdıqda, provayder tərəfindən çıxarıldıqda və bu tipli digər hallarda, Operatoru bu barədə dərhal xəbərdar etmək öhdəliyini daşıyır. Əgər Müştəri düzgün olmayan informasiya təqdim edirsə və ya Operatorun Müştəri tərəfindən təqdim edilmiş informasiyanın düzgün olmadığını hesab etməyə əsaslı səbəbi varsa, Operator öz mülahizəsinə əsasən Müştərinin Bonus hesabını bloklamaq və Müştərinin Proqramdan (və ya onun ayrı-ayrı funksiyalarından) istifadəsini ləğv etmək hüququna malik olur.
- Müştəri Bonus manatlarının\Əlavə bonus manatlarının süni (Operatorun subyektiv rəyinə əsasən) şəkildə artırılması üçün Loyallıq Proqramı çərçivəsində təqdim edilən imkanlardan sui-istifadə etməməyi, o cümlədən, lakin bununla məhdudlaşmayaraq müxtəlif mobil nömrələrlə bir neçə UİD-i əldə etməməyi və aktivləşdirməməyi öz öhdəsinə götürür. Əsassız varlanma məqsədilə proqram çərçivəsində təqdim edilən imkanlardan Müştəri tərəfindən qəsdən sui-istifadəyə görə Müştəri qüvvədə olan qanunvericiliyə əsasən məsuliyyət daşıyır.
- Operator, müştəri tərəfindən sui-istifadə hallarına yol verildikdə, vəziyyətin araşdırılması üçün qabaqcadan xəbərdarlıq etmədən Bonus manatlarının hesablanmasını dayandırmaq hüququna malikdir. Belə araşdırmanın başa çatmasınadək əvvəllər yığılmış Bonus manatlarının istifadəsinə icazə verilmir.
- Müştəri tərəfindən Müqavilə şərtlərinin, o cümlədən, Müqavilənin 3.5-ci bəndinin pozulması halında Operator Müştərini qabaqcadan xəbərdarlıq etmədən Loyallıq Proqramından çıxarmaq hüququna malikdir. Bu halda toplanmış Bonus manatları hər hansı şəkildə əvəzi ödənilmədən ləğv edilir.
- Müştəri Operatora yazılı ərizə ünvanlamaqla Loyallıq Proqramında iştirakdan könüllü şəkildə imtina edə bilər. Bu halda hesablanmış Bonus manatları hər hansı şəkildə əvəzi ödənilmədən ləğv edilir.
- Müştəri Operatora Müştərinin mobil telefon nömrəsinə SMS-xəbərdarlıq şəklində, eləcə də, digər vasitələrdən və informasiya ötürülməsi kanallarından istifadə etməklə Müştərinin ünvanına məlumat və reklam xarakterli mesajlar göndərmək hüququ verir.
- Müştəri Operatorun Fərdi məlumatlar üzrə siyasətinə uyğun olaraq sonuncuya fərdi məlumatlarını toplamaq, saxlamaq və istifadə etmək hüququnu verir. Əlavə olaraq Müştəri Operatora öz şəxsi məlumatlarının “Pasha Holding” MMC qrupuna daxil olan şirkətlərə ötürülməsinə dair səlahiyyət verir. Müştəri həmin şirkətlər tərəfindən fərdi məlumatların toplanmasına və işlənməsinə dair razılıq bildirir.
- Operator Müştəriyə hesablanmış Bonus manatlarının avtomatik olaraq ləğv edilməsi və/və ya istifadə edilməsi üçün müvafiq məhdudlaşdırıcı müddətini müəyyən etmək hüququna malikdir.
- Operator Loyallıq Proqramının fəaliyyətinin dayandırılması barədə Saytda, Tədbiqdə və ya digər resurslar vasitəsi ilə Müştəriləri qabaqcadan məlumatlandırmaqla Loyallıq Proqramının fəaliyyətini dayandırmaq hüququna malikdir. Loyallıq Proqramının dayandırıldığı müddət ərzində Müştərilərə Bonus manatları hesablanmır, əvvəllər hesablanmış Bonus manatlarının istifadə edilməsi imkanı Operator tərəfindən məhdudlaşdırıla və/və ya ümumiyyətlə dayandırıla bilər..
- Operator Loyallıq Proqramına Saytda, Tədbiqdə və ya digər resurslar vasitəsi ilə Müştəriləri qabaqcadan məlumatlandırmaqla birtərəfli qaydada Müqavilənin yerinə yetirilməsindən imtina etmək (Loyallıq Proqramına xitam vermək) hüququna malikdir. Bu halda bütün Bonus manatları hər hansı şəkildə əvəzi ödənilmədən ləğv edilə bilər.
- Operator həm müəyyən bir müddət ərzində, həm də Loyallıq Proqramında iştirakının bütün müddəti ərzində Müştəriyə hesablana bilən Bonus manatı məbləğinin yuxarı həddinə limit qoymaq hüququna malikdir. Belə limitlər və onlardan istifadə qaydası Saytın müvafiq bölməsində göstərilir. Operator birtərəfli qaydada, Müştərini qabaqcadan xəbərdar etmədən mövcud limitləri dəyişdirmək hüququna malikdir. Cari limitlər Saytın müvafiq bölməsində göstərilir.
- Toplanmış Bonus manatının məbləği müəyyən edilmiş limitə çatarsa, cari dövrdə əlavə Bonus manatı hesablanmaya bilər. Operator hesablanmış Bonus manatlarının etibarlılıq müddətini müəyyən etmək hüququna malikdir. Etibarlılıq müddəti başa çatdığı halda toplanmış Bonus manatları hər hansı şəkildə əvəzi ödənilmədən ləğv edilir.
- Operator Müqavilə üzrə hüquq və vəzifələrini birtərəfli qaydada üçüncü tərəfə ötürmək hüququna malikdir.
- Müştəri məlumatlıdır ki, o, hər hansı ticarət şəbəkəsinin əməkdaşıdırsa, həmin ticarət şəbəkəsində keçirilən bonus manatlarının alınmasına və/ və ya digər həvəsləndirici vasitələrin əldə olunmasına yönəlmiş aksiyalarda iştirak edə bilməz. Operatorun bonus manatlar və /və ya digər həvəsləndirici vasitələr formasında əldə edilmiş mükafatların vicdansız hərəkətlər və pozuntular, Proqramdan istifadə qaydalarının və vəzifə səlahiyyətlərinin sui-istifadəsi yolu ilə əldə edildiyini güman etməyə əsaslı səbəbi olarsa, Operator Müştəriyə hesablanmış bonus manatlarının və verilmiş digər həvəsləndirici vasitələrin ləğvi üçün tədbirlər görmək və Müştərinin Bonus hesabını bloklamaq hüququna malik olur. Müştərinin Bonus hesabı bloklandığı təqdirdə, həmin Müştəri üçün proqramın funksionallığı, o cümlədən sonrakı müddətdə bonusları toplamaq/istifadə etmək və aksiyalarda iştirak etmək imkanı məhdudlaşdırılmış ola bilər.
- Müştəri razılıq verir ki, Birmarket platforması üzərindən mal(lar)ın alışı məqsədilə əldə edilmiş kredit öhdəliyi onun tərəfindən icra edilmədikdə və ya lazımınca icra edilmədikdə, Operator Müştərinin Proqramdan istifadə etmək hüququnu (o cümlədən, Müştəriyə aid istifadəçi hesabını) bloklaşdıra bilər. Kredit öhdəliyi müəyyən edilmiş qaydada icra edildikdən sonra, Operator bu bənddə qeyd edilən bütün texniki məhdudiyyətləri (bloklaşdırmanı) aradan qaldıra bilər.
- Operator müştərinin Umico Avans üzrə yaranmış borcunu müştərinin Bonus manatı hesabından akseptsiz qaydada silmək hüququna malikdir.
- OPERATORUN VƏ MÜŞTƏRİNİN MƏSULİYYƏTİ
- Operator Loyallıq Proqramının tam fəaliyyətini təmin etmək üçün bütün səyləri göstərir, lakin bu zaman Loyallıq Proqramı çərçivəsində proqram-texniki nasazlıqlar və digər oxşar vəziyyətlər səbəbindən hesablanmış Bonus manatlarının toplanmasının və (və ya) istifadəsinin mümkün olmamasına görə məsuliyyət daşımır.
- Mübahisə və fikir ayrılıqları Operatorun Loyallıq Proqramının icrası çərçivəsində öz öhdəliklərini pozması səbəbindən yaranmamışdırsa, Operator Loyallıq Proqramının Müştəriləri və Partnyorları arasında yaranmış mübahisə və fikir ayrılıqlarına görə məsuliyyət daşımır və məsuliyyət daşıya bilməz.
- Operator Proqram çərçivəsində satın alınan Mallara görə heç bir məsuliyyət daşımır. Müştəri və Partnyor arasında yaranan istənilən fikir ayrılığı və/və ya mübahisə onlar tərəfindən müstəqil şəkildə tənzimlənir.
- Müştəri Loyallıq Proqramı çərçivəsində öz hərəkətlərinə (və ya hərəkətsizliyinə) görə Azərbaycan Respublikasının qüvvədə olan qanunvericiliyinə müvafiq olaraq məsuliyyət daşıyır.
- DİGƏR MÜDDƏALAR
- Operator Müştərilərin Operatora ünvanlanmış müraciətlərini nəzərdən keçirir və Loyallıq Proqramının Müştəriləri və Partnyorları arasında mübahisəli məqamların tənzimlənməsi üçün bütün mümkün (ağlabatan həddə) tədbirləri görür.
- Partnyor Proqram çərçivəsində xüsusi (aksiya) qiymətləri müəyyən edilmiş Malların, o cümlədən, diskont kartından və həmin TS-nin digər loyallıq proqramından istifadə zamanı Müştəriyə Malların satışından imtina etmək hüququna malikdir.
- Müştərinin hesabında və əməliyyatlarında qanunvericiliklə qadağan olunmuş, saxtakarlıq, cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsi , fırıldaqçılıq və digər qanunsuz fəaliyyətlərin aşkar edilməsi halında, Operator həmin əməliyyatları dərhal dayandırmaq, müştərinin hesabını bloklamaq və digər zəruri tədbirlər görmək hüququna malikdir.
- Müştəri Operator tərəfindən tələb olunan bütün məlumatları, sənədləri və digər zəruri məlumatları tam, doğru və vaxtında təqdim etməyə borcludur.
- Bank bütün hallarda qanuniliyi şübhə doğuran əməliyyatlar və ya kartla bağlı dələduzluq əməliyyatları aşkar etdikdə, Müqavilə üzrə əməkdaşlığı müvəqqəti dayandıra və ya Müqaviləyə birtərəfli qaydada xitam verə bilər.
- FORS-MAJOR
- Operator Müqavilə üzrə öhdəliklərinin tam və ya qismən yerinə yetirilməməsinə görə, əgər belə hallar qarşısıalınmaz qüvvənin təsiri, xüsusilə, müharibələr, təbii fəlakətlər, yanğınlar, daşqınlar, zəlzələlər, tətillər, kütləvi iğtişaşlar və digər ictimai təlatümlər, o cümlədən, hakimiyyətin Müqavilə üzrə öhdəliklərin yerinə yetirilməsinə təsir göstərə bilən fəaliyyəti nəticəsində baş vermişdirsə, məsuliyyətdən azad olunur.
- MÜQAVİLƏNİN QÜVVƏYƏ MİNMƏSİ, MÜDDƏTİ, DƏYİŞİKLİKLƏR VƏ XİTAMI
- Müqavilə Müştəri tərəfində Ümumi ofertanın təsdiqinə dair hərəkət etdiyi (məsələn, Saytda müvafiq xananı, hissəni klikləmək, OTP təqdim və/və ya təsdiq etmək, müvafiq bildirişlərlə tanış olmaq və etiraz etməmək və s.) andan bağlanmış sayılır. Müqavilə bağlandığı andan qüvvəyə minir və Proqramın fəaliyyətinə xitam verilən anadək, hesab qüvvədə olanadək etibarlıdır. Operator tərəfindən müqaviləyə hər hansı əlavə və dəyişikliklər barədə Müştəriyə bildiriş göndərilir. Bildiriş Müştərinin mobil nömrəyə SMS formasında, internet sayt "pop-up" bildirişləri şəklində, KİV-lərdə və ya Operatorun rəsmi internet resurslarında (sayt, mobil tetbiq və s) və ya Müştərinin istifadə etdiyi digər interfeyslər üzərində yerləşdirilmiş məlumat şəklində ola bilər. Hansı növdə bildiriş göndəriləcəyini Operator özü müəyyən edir. Bildiriş üzrə dəyişikliklər bildirişdə qeyd edildiyi tarixdə, lakin bildirişdə bu cür tarix qeyd edilmədikdə bildirişin göndərildiyi tarixdən 5 (beş) iş günü ərzində qüvvəyə minir və bu müddət ərzində bildiriş üzrə yenilənmiş Müqaviləyə Müştəri etiraz etməzsə, bu Müştərinin aksepti sayılır. Qeyd olunan müddət ərzində Müştəri, bildiriş üzrə dəyişikliklərə öz etirazı Operatorun “1001” vasitəsilə bildirə bilər. Müştəri dəyişikliklərlə razı olmadığı təqdirdə, Operator Müştərinin Proqramdan istifadə hüququnu birtərəfli qaydada məhdudlaşdırmaq və ya dayandırmaq hüququna malikdir.
- Müqavilə Azərbaycan, rus və ingilis dillərində bağlanılmışdır. Azərbaycan, rus və ingilis mətnləri arasında uyğunsuzluqlar olduğu təqdirdə Azərbaycan dilində olan mətnə üstünlük verilir.
- MÜBAHİSƏLƏRİN HƏLLİ
- Operator və Müştəri Müqavilə üzrə və ya onunla əlaqədar yarana biləcək bütün mümkün mübahisə və fikir ayrılıqlarını danışıqlar yolu ilə həll etməyə çalışacaqlar.
Danışıqlar yolu ilə həll edilə bilməyən mübahisələrə Operatorun yerləşdiyi yerin məkhəməsində, Azərbaycan Respublikasının qüvvədə olan qanunvericiliyində nəzərdə tutulmuş qaydada baxılır.
Bir Bonus istehlakçı loyallığı əməkdaşlıq proqramında iştiraka dair Müqaviləyə 1 saylı Əlavə
(Bir Bonus istehlakçı loyallığı əməkdaşlıq proqramına qoşulma qaydaları)
1. Loyallıq Proqramı 15.04.2019-cu il tarixindən etibarən fəaliyyətə başlayır.
2. Loyallıq Proqramı haqqında məlumatlar Operator tərəfindən Saytda sistemləşdirilir.
3. Müştəri müəyyən şərtləri yerinə yetirməklə Proqram çərçivəsində aşağıdakı stimullaşdırma növlərindən yararlana bilər:
3.1. Hesablayan Partnyorun təşəbbüsü ilə Bonus manatlarının hesablanması.
3.2. Operatorun təşəbbüsü ilə Əlavə bonus manatlarının hesablanması. Əlavə bonus manatlarının yığılması qaydası Operator tərəfindən müstəqil qaydada müəyyən edilir (Operator həmçinin hazırkı Qaydaların 5-ci bölməsini də tətbiq edə bilər). Əlavə bonus manatlarının İstifadəsi bu Qaydaların 6-cı bölməsinə uyğun olaraq həyata keçirilir.
3.3. Operator və Partnyorlar tərəfindən həyata keçirilən xüsusi marketinq tədbirləri çərçivəsində premium (yüksək) əmsalın tətbiqi ilə Bonus manatlarının İstifadəsi.
3.4. Azərbaycan Respublikasının qüvvədə olan qanunvericiliyi çərçivəsində digər stimullaşdırma növləri.
4. UİD-in əldə edilməsi və aktivləşdirilməsi qaydası:
4.1. Müştəri Proqram çərçivəsində həyata keçirilən əməliyyatların identifikasiyası üçün UİD-dən istifadə edir.
4.2. İstifadəçi UİD-inin əldə edilməsi qaydası Operator tərəfindən müəyyən edilir.
4.3. UİD-in aktivləşdirilməsinə dair təlimat Operator tərəfindən Saytda yerləşdirilir.
5. Bonus manatlarının hesablanması qaydaları:
5.1. Proqram çərçivəsində həyata keçirilən əməliyyatlara görə Bonus manatlarının hesablanması üçün Müştəri belə əməliyyatları UİD-dən istifadə etməklə identifikasiya etməlidir. UİD-dən istifadəyə dair ətraflı təlimatlar Operator tərəfindən Saytın müvafiq bölməsində yerləşdirilir.
5.2. Müştəri tərəfindən Hesablayan Partnyorun TS-ində UİD-dən istifadə etməklə həyata keçirilən Malların ödənişi əməliyyatlarına görə Operator Bonus manatları hesablayır.
5.3. Qaydaların 5.2-ci bəndində göstərilən əməliyyatlar üzrə Operator tərəfindən Bonus manatlarının hesablanmasında istifadə edilən faiz dərəcəsi Partnyor və Operator tərəfindən müstəqil şəkildə müəyyən edilir.
5.4. Operator tərəfindən Bonus manatlarının hesablanmasında istifadə edilən faiz dərəcəsi Müştəriyə qabaqcadan xəbərdarlıq edilmədən dəyişdirilə bilər. Operator tərəfindən Bonus manatlarının hesablanması üçün (o cümlədən, hər bir Partnyor üçün) istifadə olunan cari faiz dərəcəsi Saytın müvafiq bölməsində göstərilir.
5.5. Toplanmış Bonus manatlarının Müştərinin Bonus hesabında əks olunması vaxtı hər bir Partnyorla qarşılıqlı fəaliyyətin texniki xüsusiyyətlərindən asılıdır və fərqlənə bilər. Bonus manatlarının Müştərinin Bonus hesabında əks olunması qaydasına dair məlumat Operator tərəfindən Saytda dərc olunur.
5.6. Operator həm müəyyən bir müddət ərzində, həm də Loyallıq Proqramında iştirakının bütün müddəti ərzində Müştəriyə hesablana bilən Bonus manatı məbləğinin yuxarı həddinə limit qoymaq hüququna malikdir. Belə limitlər və onlardan istifadə qaydası Saytın müvafiq bölməsində göstərilir. Operator birtərəfli qaydada, Müştərini qabaqcadan xəbərdar etmədən mövcud limitləri dəyişdirmək hüququna malikdir. Cari limitlər Saytın müvafiq bölməsində göstərilir.
5.7. Toplanmış Bonus manatının məbləği müəyyən edilən limitə çatdıqda, cari dövrdə əlavə Bonus manatı hesablanmaya bilər.
5.8. Operator hesablanmış Bonus manatlarının etibarlılıq müddətini müəyyən etmək hüququna malikdir. Etibarlılıq müddəti başa çatdığı halda toplanmış Bonus manatları hər hansı şəkildə əvəzi ödənilmədən ləğv edilir.
5.9. Nəticəsində Müştəriyə Bonus manatları hesablanmış əməliyyatı Müştəri ləğv etdikdə (o cümlədən, Malları qaytardıqda) Operator həmin Bonus manatlarını ləğv etmək hüququna malikdir. Müştərinin Bonus hesabında ləğv əməliyyatının icrası üçün kifayət qədər Bonus manatları mövcud deyilsə (ləğv edilən əməliyyat üzrə hesablanmış Bonus manatları ləğv zamanı artıq istifadə olunmuşdursa (bir hissəsi istifadə olunmuşdursa)), Partnyor Bonus manatının çatışmayan məbləğini ləğv edilən əməliyyat üzrə geri qaytarılan pul vəsaitindən tutur.
5.10. Nəticəsində Müştəri tərəfindən Bonus manatları istifadə edilmiş əməliyyatı Müştərinin ləğv etməsi (o cümlədən, Malların qaytarılması) halında Operator həmin Bonus manatlarını Müştərinin Bonus hesabına bərpa edir.
5.11. Ləğv əməliyyatı zamanı Müştəri belə əməliyyatı həmin əməliyyatın əsli yerinə yetirilərkən istifadə edilmiş UİD-dən istifadə edərək identifikasiya etməyə borcludur. Ləğv əməliyyatı zamanı Müştərinin hərəkətlərinə dair ətraflı təlimat Operator tərəfindən Saytda yerləşdirilir. Həmin təlimatlar pozulduğu halda Operator Qaydaların 5.10-cu bəndinə uyğun olaraq Bonus manatının bərpasını həyata keçirməmək hüququna malikdir.
5.12. Bonus manatları, Operatorun subyektiv rəyinə görə, Müştəriyə Loyallıq Proqramı çərçivəsində təqdim edilən imkanlardan onun sui-istifadəsi nəticəsində hesablanmışdırsa, Operator Müştərinin istənilən Bonus manatlarının hamısını və ya bir hissəsini Müştəriyə qabaqcadan xəbərdarlıq etmədən və hər hansı şəkildə əvəz ödəmədən ləğv etmək hüququna malikdir.
5.13. Operator müəyyən növ əməliyyatların həyata keçirilməsi zamanı və ya öz mülahizəsi əsasında digər hallarda Bonus manatlarının hesablanmasına məhdudiyyət qoymaq hüququna malikdir. Məhdudiyyətlər barədə məlumat Operator tərəfindən Saytda yerləşdirilir.
5.14. Bonus Manatlarının hesablanması nəticəsində onlar tam miqdarda əldə edilmirsə, onların tam hissəsisi pul vahidinə (Azərbaycan manatı) və kəsr hissəsi – xırda pula (Azərbaycan qəpiyi) bərabər hesab edilir.
5.15. Müştəri Bonus Manatlarının məbləği barədə məlumatı Müştərinin Saytdakı şəxsi kabinetindən, mobil tətbiqdən və ya Operatorun Əlaqə Mərkəzinə müraciət etməklə əldə edə bilər.
5.16. Bonus manatının yanlış hesablanması/ istifadəsi halında Operator müstəqil şəkildə, Müştəriyə qabaqcadan xəbərdarlıq etmədən düzəlişlər etmək hüququna malikdir.
5.17. Hesablanan bonusların minimum məbləği 0,01 bonusdur. Məbləğ 0,01 AZN-dən aşağı olduqda, bonus manatları hesablanmır.
6. Bonus manatlarından istifadə qaydaları.
6.1. Toplanmış Bonus manatları Müştəri tərəfindən İstifadə edən Partnyorun TS-larında Mallara görə ödəniş həyata keçirilərkən istifadə edilə bilər. Bonus manatlarından istifadə etmək üçün Müştəri əməliyyatı UİD-dən istifadə etməklə identifikasiya etməli və Bonus manatlarının istifadəsinə dair Operator tərəfindən Saytda yerləşdirilmiş təlimatlara əməl etməlidir.
6.2. Ümumi qaydada Müştəri öz Bonus Hesabında olan Bonus Manatlarının istənilən hissəsini istifadə edə bilər. Hər hansı İstifadə edən Partnyorun işinin texniki xüsusiyyətləri Bonus manatlarından istifadəni ümumi əsaslarla həyata keçirməyə imkan vermirsə, belə İstifadə edən Partnyorlarda Bonus manatlarından istifadənin xüsusi qaydası tətbiq oluna bilər.
6.3. Ümumi qaydada bir Bonus manatından İstifadə zamanı Müştəri İstifadə edən Partnyordan ekvivalent dəyərdə Mal əldə edir. Xüsusi marketinq fəaliyyətləri (aksiyalar) çərçivəsində istifadə daha yuxarı və ya daha aşağı əmsaldan istifadə edilməklə həyata keçirilə bilər.
6.4. Bonus manatından istifadə Bonus manatının etibarlılıq müddətinin bitməsinədək olan vaxt nəzərə alınmaqla həyata keçirilir. İlk növbədə etibarlılıq müddətinin bitməsinə daha az qalmış Bonus manatları silinir.
7. Digər şərtlər:
7.1. UİD-in aktivləşdirilməsinin köməyi ilə identifikasiya edilən istənilən əməliyyat həmin UİD-i aktivləşdirən Müştəri tərəfindən həyata keçirilmiş əməliyyat hesab edilir. Müştəri müstəqil olaraq UİD-in təhlükəsizliyini təmin edir. Operator Müştərinin UİD-inə çıxış əldə etmiş üçüncü şəxslərin icazəsiz hərəkətlərinə görə məsuliyyət daşımır.
7.2. Bonus manatları, habelə Müştərinin Əlavə bonus manatları (Publik Ofertanın 3 saylı Əlavəsində qeyd olunan P2P əməliyyatlar istisna olmaqla) başqa bir şəxsə ötürülə bilməz və ya Loyallıq Proqramının Müştərisi olub-olmamasından asılı olmayaraq digər şəxsin Bonus manatları/Əlavə bonus manatları ilə birləşdirilə bilməz.
7.3. Müştəri ona hesablanmış Bonus manatlarının və ya Əlavə bonus manatlarının məbləği ilə razılaşmadıqda, etiraz yazılı formada və ya Azərbaycan Respublikasının vətəndaşların müraciətlərinə dair qüvvədə olan qanunvericiliyində nəzərdə tutulmuş digər formada Operatora ünvanlanır.
7.4 Müştəriyə bonus manatları hesablandıqda və/ və ya Müştəri Bonus manatlarından istifadə etdikdə, hesablanan və istifadə edilən bonus manatların vahid əmsalı Operator tərəfindən müəyyən olunur.
Bir Bonus istehlakçı loyallığı əməkdaşlıq proqramında iştiraka dair Müqaviləyə 2 saylı Əlavə
Çeklərdə QR-kodun skanerlənməsi funksiyasından istifadə etməklə Bir Bonus istehlakçı loyallığı əməkdaşlıq proqramında iştirak qaydaları.
1. Operator Müştəriyə çekdəki QR-kodun skanerlənməsi funksiyasından istifadə etmək və digər formada kassa çekindəki məlumatlar əsasında satınalma barədə informasiya əldə etmək imkanı yaradır. Qeyd edilmiş funksionallıqdan istifadə edərkən Müştəri Operatora icazə verir ki, informasiya servisi vasitəsilə Operator Müştərinin hesablaşma apardığı vaxt təşkilatın və ya fərdi sahibkarın (satıcının) nəzarət-kassa aparatından çıxan Müştəriyə aid kassa çeklərindəki informasiyanı əldə etsin və istifadə etsin.
2. Müştəri Bonus manatları hesablanan anadək çekləri və Satınalmaları təsdiqləyən (Qaydalara uyğun olaraq malı indetifikasiya edən) digər sənədləri saxlamağı öhdəsinə götürür və eləcə də Tətbiqdəki bildiriş vasitəsilə (və ya Operatorun mülahizəsinə əsasən digər mümkün vasitə ilə) tələb edildikdə Müştəri ona hesablanmış Bonus manatlarla bağlı yarana biləcək mübahisəli halların tənzimlənməsi üçün həmin çek və sənədləri Operatora təqdim etməyi öhdəsinə götürür.
Operator Bonus manatları aşağıdakıları uğurla yerinə yetirmiş Müştəriyə hesablayır:
2.1. Proqramın Qaydalarını və Şərtlərini yerinə yetirmiş, ticarət şəbəkəsində Aksiyaların qüvvədə olma müddəti ərzində Satınalmalar edərək Çekləri əldə etmiş;
2.2. Tətbiqdə avtorizasiya olmuş;
2.3. Satınalma edildiyi andan etibarən 3 saatdan gec olmayaraq çekdəki QR-kodu skanerdə oxutmuş.
2.4. Çekin fotoşəklini çəkmiş və onu Tətbiqə yükləmiş.
2.5. Aksiyaların Qaydalarından və Şərtlərindən sui-istifadəyə yol verməmiş, Aksiyaların Qaydalarını və Şərtlərini pozmamış, Qaydalarda nəzərdə tutulmuş digər öhdəlikləri yerinə yetirmiş.
2.6. Operator Çekin verildiyini, Çek üzrə geri qaytarılan malın/malların olmadığını, Çekin Proqramın Qaydalarına və Şərtlərinə uyğun olduğunu, Proqramın Qaydalarından və Şərtlərindən sui-istifadə hallarına dair əlamətlərin olmadığını və eləcə də məhdudiyyətlərin olmadığını yoxlayıb təsdiqlədikdən sonra bonus manatlarını hesablayır.
Qeyd edilən yoxlamanın aparılması üsulları Operatorun öz mülahizəsi əsasında və onda olan məlumatlar əsasında müəyyənləşdirilir.
3. Operator aşağıdakı Çeklərə görə Bonus manatları hesablamamaq və Bonus hesabındakı Bonus manatları ləğv etmək hüququna malikdir:
3.1. Malların geri qaytarılması üçün istifadə edilmiş Çeklər;
3.2. Ödənişin ləğvi üçün istifadə edilmiş Çeklər;
3.3. Satınalmanın Müştərinin özü tərəfindən həyata keçirildiyini təsdiqləyən faktın olmadığı Çeklər;
3.4. Öz vəzifə səlahiyyətlərindən sui-istifadə edən, o cümlədən (lakin bunlarla məhdudlaşmayaraq) ticarət müəssisəsinin, ticarət məntəqəsinin, ticarət obyektinin əməkdaşı, kassiri olan (və yaxud Çeklərə çıxışı olan digər şəxs) Müştərinin skanerdə oxudulmuş Çekləri;
3.5. Siyahı buradakılarla məhdudlaşmır və eləcə də Aksiya Qaydalarıdan və Şərtlərindən sui-istifadə edildiyi, Qaydaları və Proqramın məqsədlərini pozduğu güman edilən hər hansı digər Çeklərə də tətbiq olunur.
4. Satınalmanın həyata keçirilməsi və 2 saylı Əlavənin 3-cü bəndinə uyğun olaraq Proqramda və ya Aksiyada iştirak üçün çeklərin skanerlənməsi Operator tərəfindən qanunsuz hərəkət hesab edildikdə.
5. Hər Çek üzrə yalnız bir dəfə Bonus manatlar hesablana bilər. Bir neçə İstifadəçi eyni Çekin QR-kodunu Operatora təqdim edərsə, həmin QR-kodu vaxt etibarilə birinci təqdim etmiş Müştəriyə Bonus manatlar hesablanacaq.
6. Əgər Çekdə göstərilmiş informasiyaya əsasən orada qeyd edilmiş Malın Proqramın Şərtlərinə uyğun olduğunu birmənalı olaraq təsdiqləmək mümkün olmazsa, o zaman Operator Bonus manatların hesablanmasından imtina etmək hüququna malik olur.
Proqram Müştərilərinin Bonus hesabları arasında Bonus manatlarının köçürülməsi funksionallığından istifadə üzrə Müqaviləyə 3 saylı Əlavə.
1. Müştərilərin Bonus hesabları arasında Bonus manatlarının köçürülməsi (bundan sonra - P2P köçürmə) funksionallığı Proqram Müştərilərinə Operatorun icazəsi və müəyyən etdiyi çərçivədə öz Bonus hesabından başqa Müştərinin Bonus hesabına Bonus manatlarının köçürülməsi üzrə əməliyyatlar aparmağa imkan verir.
2. Funksionalın tərəfləri bunlardır: Operator, Göndərən-Müştəri, Qəbuledici-Müştəri.
3. Funksional yalnız "aktiv müştərilər" arasında aktiv ola bilər.
4. Funksionaldan istifadə qaydası:
4.1. Göndərən-Müştəri Proqramın müvafiq menyusunda P2P köçürməsinə başlayır.
4.2. Göndərən-Müştəri Qəbuledici-Müştərinin məlumatlarını (bonus kartının nömrəsi və ya telefon nömrəsi), həmçinin P2P köçürmə məbləğini qeyd edir.
4.3 Daxil edilmiş məlumatların düzgünlüyünü yoxladıqdan sonra Operator göstərilən məbləği Göndərən-Müştərinin Bonus hesabından silir və Qəbuledici-Müştərinin Bonus hesabına köçürür.
4.4. İcra olunmuş P2P köçürmə üzrə məlumat Tətbiqin müvafiq bölmələrində göstərilir.
5. Operator P2P köçürmələri üçün komissiya tutmaq hüququna malikdir. Bu halda, Göndərən-Müştəri əməliyyatı icra edərkən Tətbiqin açılan pəncərəsində müvafiq "Davam et" düyməsini sıxmaqla komissiya haqqını təsdiqləyir.
6. Limitlər:
- Bir Bonus Hesabından ayda 100-dən çox Bonus Manat göndərilə bilməz.
- Bir Bonus Hesabına ayda 100 Bonus Manatından çox küçürülə bilməz.
7. Şübhəli əməliyyatlar aşkar edildikdə, Operator həm Göndərən-Müştərinin, həm də Qəbuledici-Müştərinin bonus hesabını araşdırmanın sonuna qədər bloklamaq hüququnu özündə saxlayır. Qanunsuz hərəkətlər faktı təsdiqləndikdə Operator Müştərinin qanunsuz hərəkətləri ilə yaranan nəticələrin aradan qaldırılmasına yönəlmiş zəruri və/və ya mümkün Prosedurları həyata keçirir.
8. P2P köçürməsini həyata keçirərkən Göndərən-Müştəri tərəfindən daxil edilmiş məlumatların düzgünlüyünə görə Operator məsuliyyət daşımır. Göndərən-Müştəri tərəfindən köçürülmüş bonus manatları Operator tərəfindən geri qaytarılmır və ya kompensasiya olunmur.
“Umico/Birbonus Premium“ Loyallıq Proqramı Paketinin təqdimatı və istifadəsinə dair Müqaviləyə 4-cü Əlavə
1. İstənilən istifadəçi Loyallıq Proqramının bir hissəsi kimi Operator tərəfindən təqdim olunan “Umico/Birbonus Premium” Xidmətlər Paketinə abunəni rəsmiləşdirmək hüququna malikdir.
2. "Umico/Birbonus Premium" Xidmətlər Paketi Abunəçiyə əlavə xidmətlərə və/və ya xüsusi şərtlərə çıxış imkanı verir.
3. Operator, Müştərini əvvəlcədən xəbərdar etmədən “Umico/Birbonus Premium” Xidmətlər Paketinin tərkibini müəyyən etmək və zəruri hallarda dəyişdirmək hüququnu özündə saxlayır. Hər hansı tərkib hissəsinin “Umico/Birbonus Premium” Xidmətlər Paketindən çıxarılması halında, bu cür çıxarılma Abunəçilərdən ödənişin alındığı istifadə müddətinin bitməsindən tez baş verməməlidir.
4. Operator "Umico/Birbonus Premium" Xidmətlər Paketindən istifadəyə görə ödənişin məbləğini və qaydalarını müəyyən etmək və zəruri hallarda dəyişmək hüququnu özündə saxlayır. "Umico/Birbonus Premium" Xidmətlər Paketinə abunə rəsmiləşdirilərkən Müştəri, Operatora hər 30 gündən-bir abunə haqqını Müştərinin bonus hesabından silməyi tapşırır. Ödənişin silinməsi üçün ilk tarix abunənin rəsmiləşdirilməsi tarixidir.
5. Əgər sonrakı silinmə üçün Müştərinin bonus hesabında kifayət qədər bonus yoxdursa, lakin balans müsbətdirsə, o zaman ödəniş qismən silinir və xidmət paketindən daha bir dövr ərzində istifadə etmək hüququ verilir. Müştərinin bonus hesabı sıfıra bərabərdirsə, xidmətlər paketinə giriş dayandırılır. Abunəlik ləğv edilmir və bonuslar hesaba köçürüldükdə və sonrakı ödəniş silindikdə yenilənir. Sözügedən ödənişin silinmə tarixi sonrakı abunəlikdə yeni ödənişin tarixi hesab edilir. "Umico/Birbonus Premium" Xidmətlər Paketi üzrə ödənişlər haqqında məlumat əməliyyatlar tarixçəsində və Abunəçinin şəxsi hesabında əks olunur.
6. “Umico/Birbonus Premium” Xidmətlər Paketinə Abunə qiyməti: sınaq müddətində (ilk 1 ay) – ayda 1 bonus və ya 1 manat. Sınaq müddətindən sonra - ayda 3 bonus və ya 3 manat. Sınaq müddətindən, bundan əvvəl tam istifadə olunub-olunmamasından asılı olmayaraq 1 dəfə istifadə oluna bilər. Abunə qiymətinə edilən dəyişikliklər, bu müqaviləyə əlavəyə dəyişiklik edilməklə aparılacaqdır. Umico/Birbonus balansında kifayət qədər bonus olmadıqda, Müştəri abunə haqqını Müştərinin telefonuna göndərilən SMS-dəki linkə daxil olaraq bank kartı vasitəsilə ödəməklə Umico/Birbonus Premium Xidmət Paketinə abunə ola bilər.
7. Umico Premium Xidmətlər Paketinin tərkibinə aşağıdakılar daxildir:
- Komissiya haqqı tutulmadan bonusların köçürülməsi
- Bravo supermarketlərində edilən alış-verişə görə (Abunəçinin Bravo supermarketlərində etdiyi aylıq dövriyyəsinin ümumi məbləği 200 manatdan çox olduqda) 2% əlavə premium keşbek (bonus hesabına bonus manatları şəklində köçürülür)
- Aloe Apteklər şəbəkəsində edilən alış-verişə görə (Abunəçinin Aloe apteklər şəbəkəsində etdiyi aylıq dövriyyəsinin ümumi məbləği 50 manatdan çox olduqda) 5% əlavə premium keşbek (bonus hesabına bonus manatları şəklində köçürülür)
- Bütün Trendyol alışlarına ayda 10 bonusdan çox olmamaq şərti ilə 3% keşbək (bonus hesabına manatları şəklində köçürülür)
- «Grandmart», «Bolmart», «Bizim Market», «Megastore» və «Baqqa» supermarketlərində edilən alış-verişə görə (bu mağazalarda etdiyi ümumi aylıq dövriyyəsinin məbləği 200 manatdan çox olduqda) 2% keşbek (bonus hesabına bonus manatları şəklində köçürülür)
- «Tamstore» supermarketlərində edilən alış-verişə görə («Tamstore» supermarketlərində etdiyi aylıq dövriyyəsinin ümumi məbləği 200 manatdan çox olduqda) 2% əlavə premium keşbek (bonus hesabına bonus manatları şəklində köçürülür)
8. Müştəri "Umico/Birbonus Premium" Xidmətlər Paketinə abunəni ləğv etmək hüququna malikdir. Bu halda, Paketə daxil olan xidmətlərdən istifadə "Umico/Birbonus Premium" Xidmətlər Paketindən istifadəyə görə ödənişin sonuncu dəfə silindiyi andan 30 gün keçdikdən sonra dayandırılacaq.
9. Operator şübhəli əməliyyatlar aşkar edərsə, Operator Müştəriyə xəbərdarlıq etmədən abunəni dayandırmaq və Müştərinin hesabını bloklamaq hüququna malikdir. Müştəri tərəfindən Proqramın qaydalarından sui-istifadə halları təsdiqləndiyi halda, Operator hər hansı formada kompensasiya ödənilmədən Müştərinin hər hansı Bonus manatını tam və ya qismən ləğv etmək hüququna malikdir.
10. Operator müxtəlif aksiyalar çərçivəsində Müştərilərə "Umico/Birbonus Premium" xidmətlər paketini hədiyyə etmək hüququnu özündə saxlayır.
“Umico" İstehlakçı Loyallığı Proqramında İştirak haqqında Müqaviləyə 5 saylı Əlavə
1. Bravo Club-dan istifadə edərək Müştəri Operator tətbiqi vasitəsilə artan loyallıqla əməliyyatlar aparmaq, eləcə də əlavə endirim və hədiyyələr əldə etmək imkanına malik olur:
- Bravo mağazalar şəbəkəsində seçilmiş məhsullara xüsusi endirimlər əldə etmək.
- Kuponları aktivləşdirməklə və Bravo Club bölməsində yerləşdirilən aksiyalarda iştirak etməklə əlavə endirimlər və hədiyyələr əldə etmək.
- Tətbiqdə Bravo Club və Bravo mağazalar şəbəkəsi üçün keçirilən lotereya, kampaniya, təklif və endirimlər haqqında məlumat əldə etmək.
2. Loyallıq müddətləri və növləri Tərəfdaş tərəfindən birtərəfli qaydada dəyişdirilə bilər.
3. Güzəşt, endirim və kuponların siyahısı Operator tətbiqindəki “Bravo Club” bölməsində göstərilir.
4. Partnyor və Müştəri arasında yaranan hər hansı fikir ayrılığına və/və ya mübahisələrə görə Operator məsuliyyət daşımır.
